Ахсар Джигкаев - Фембæлд | Текст песни

• Тексты песен
• Ахсар Джигкаев
• Фембæлд

Фæцæйцыдтæ. Фæцæйцыдтæн.
Фæзылдтæ мæм. Фæзылдтæн дæм.
Ды федтай мæн. Æз федтон дæу.
Æрлæууыдтæ. Æрлæууыдтæн.
Дæ цæстытæм дын бакастæн,
Цыдæр сæ мидæг агуырдтон.
Нæ мæ фæтарстæ о, фæлæ
Дæ цæстыты цы фесафтон?
Бакастыстæм кæрæдзимæ,
Æмæ на улæфт нал хъуысти,
Цыма ныхъхъус и 'гас дуне,
Цыма ызмæлæг нал уыди.
Мæ цонгыл мын ныххæцыдтæ,
Цыма дæ дардтон удыхæс.
Мæ къух дæрзæг. Дæ къух — фæлмæн,
Фæтыхстæн æз. Фæсырх дæ ды.
Цыма дæ рагæй зыдтон æз,
Цыма дæ федтон æз кæддæр.
Цыма фæзындзынæ рæхджы,
Æмæ дæ фендзынæн уæддæр.

Лæууыдыстæм æдзынæгæй,
Цыдæр нæ уæнгтæ бабаста.
Зæгъæн кæмæн нæй, ахæм тых
Нæ сабырдзинад банкъуыста.
Да цæстытæм дын бакастæн,
Цыдæр сæ мидæг агуырдтон.
Нæ мæ фæтарстæ, о, фæлæ
Дæ цæстыты цы агуырдтон?
Бакастыстæм кæрæдзимæ,
Æмæ на улæфт нал хъуысти
Цыма ныхъхъус и 'гас дуне,
Цыма ызмæлæг нал уыди.
Мæ цонгыл мын ныххæцыдтæ
Цыма дæ дардтон удыхæс.
Мæ къух дæрзæг. Дæ къух фæлмæн,
Фæтыхстæн æз. Фæсырх дæ ды.
Цыма дæ рагæй зыдтон æз,
Цыма дæ федтон æз кæддæр.
Цыма фæзындзынæ рæхджы,
Æмæ дæ фендзынæн уæддæр.