Байбал Сэмиэнэп - Кинини көрсө (И. Арбита тыл.) | Текст песни

• Тексты песен
• Байбал Сэмиэнэп
• Кинини көрсө (И. Арбита тыл.)

Оол, ыраах, туналыйар дуоллар
Өлбөөркөй дьураалара көстөр,
Мин көтөр кынаттаҕым буоллар
Барыам этэ Кинини көрсө.

Барыам этэ төрөөбүт тыабар
Быраһаайбын хаһыытаппакка,
Баҕалаах баламат хардыыбар
Арахсар сорбун ытаабакка.

Барыам этэ мин ыраах-ыраах,
Тыынар таптал ыраас тыатыгар,
Тыкаары кыната халлааннаах
Венера саарыстабатыгар.

Онно бааллар төлөннөөх түүннэр
Күлүмүрдүүр көмүстэрэ,
Буурҕалаах санааны үүннэрэр
Кистэлэҥнэр күлүүстэрэ.

Бааллар хаһан да хагдарыйбат
Сибэккилэр, сэбирдэхтэр,
Тыыннаах аргынан халыйбыт
Бардам дьигискэннээх үрэхтэр.

Оол, ыраах, туналыйар дуоллар
Өлбөөркөй дьураалара көстөр,
Мин көтөр кынаттаҕым буоллар
Барыам этэ Кинини көрсө.