Батча - Җаңһрин магтал | Текст песни

• Тексты песен
• Батча
• Җаңһрин магтал

Җаңһрин магтал
Батчан дуулснас бичсн

Ай!Долңһр зеерднь долатан.
Дуута Җаңhрин хөртәдән.
Күнд-л Саврин күчтәдән.
Күүнә келнә-л шүрүтәдән
Пай! Пай! Пай!

Ай! Дөчн дөрвн термтә-л
Дөрвн миңһн уньнта
Дүңгн цаһан өргәнь
Дууна һазрас-л дүңгәнә
Пай! Пай! Пай!

Ай! Хар торһн түнтгиг
Хаҗу талдан тохалдад
Харадан җивр сахлыг
Хая нег-л шувтрулад
Пай! Пай! Пай!

Ай! Улан торһн түнтгиг
Ууҗм талдан тохалдад
Ульрин җивр сахлыг
Хойр һурвн шувтрулад
Пай! Пай! Пай!

Ай! Көк торһн түнтгиг
Көдә талдан тохалдад
Көкгин җивр сахлыг
Хойр һурвн шувтрулад
Пай! Пай! Пай!

Ай! Барун бийднь хәләхлә
Бахта сәәхн залучуд
Зүн бийднь хәләхлә
Зүстә сәәхн берәчүд
Пай! Пай! Пай!

Ай! Таҗ торһн көшгнь
Тататаһн бәәнә-лой
Таңсг бумбин аңһрнь
Чикнь шигшәд нәәрүлнә
Пай! Пай! Пай!

Ай! Нәәмн көлтә ширәнь
Нәәхлзәд бәәнә – лой
Нас бахта Җаңһрнь
Чикнь шигшәд нәәрүлнә
Пай! Пай! Пай!

Ай! Өөл буһин арсарн
Өмн дееврнь делдүләд
Өңг бүүрнь торһар
Ооср бүчнь делдүләд
Пай! Пай! Пай!


Батча еще тексты