Б.Насыйрова - Төшләремә кер | Текст песни

• Тексты песен
• Б.Насыйрова
• Төшләремә кер

Белә торып күңел әрнегәнен
Төшләремә нигә керәсең?
Еллар аша кайтып яшьлегемә
Сине генә килә күрәсем,
Килә күрәсем, килә күрәсем.

Төшләремдә бүләк итеп миңа
Бирдең чәчкәләрнең сарысын.
Болай да бит инде минем күңелемдә
Мөлдерәмә тулы сагышым.

Юк, кирәкми иске яраларны
Син яңадан искә төшермә.
Тормышыма бәхет алып килер
булсаң гына кер син төшемә.