Борисби Узденов - «Карачай» десем... | Текст песни

• Тексты песен
• Борисби Узденов
• «Карачай» десем...

Музыка Марата Кочкарова, стихи Азрета Акбаева.

«Карачай» десем, кёрюнедиле:
Киришли таула, джурлу ауушла,
Эки тёппели Минги Тауума
Келиб къонуучу къушлу булутла...

«Карачай» десем, эштиледиле
Къая ранладан шоркъа тауушла.
Анга тынгылай, къой кютедиле
Къара джамчылы сюрюучю джашла...

«Карачай» десем, кёрюнедиле:
Джашау джолунда сагъышлы таула.
Эл ныгъышында лахор этелле
Кюмюш сакъаллы огъурлу къартла...

«Карачай» десем, къулачны кериб,
Джашнагъан джазгъа сюйюнюб къарайма.
Атынгы джазыб, Къарча, джюрекге,
Хурметли джуртум, джашынгча джырлайма...

«Карачай» десем, эштиледиле:
Ариу орайда бу тау элледе,
Къартла, джашла да тепсей эм джырлай,
Къууанч барады мында хар юйде...

Къолумдан келсе, сылаб ётерем
Хар суу ташынгы, хар терегинги.
Кёзлерим кёрмей, тилсиз болсам да,
Джюрегим айтыр атынгы сени...

Къолуна алыб боза аякъны
Къарт таулу тойда алгъыш этеди.
Анга тынгылай, о Къарачайым!
Кёлюбюз бизни кёкге джетеди...

Къарачай!..

Борисби Узденов еще тексты