Борлга Эдгә/ Эдуард Бурлаков - Мана күргн/ Наш зять/жених Үгнь, көгҗмнь Увшан Альчан Явана | Текст песни

• Тексты песен
• Борлга Эдгә/ Эдуард Бурлаков
• Мана күргн/ Наш зять/жених Үгнь, көгҗмнь Увшан Альчан Явана

Мана күргн
Үгнь, көгҗмнь Увшан Альчан Явана

1.\"Мана күргн ирв\" гиһәд,
Манахн шуугад бәәлә – ла!/ 2д.
\"Дурта теңгсән орий!\" - гиһәд,
Дуринь суңһад бәәлә- ла!/ 2д.

2.Өвдгцә уснднь
Өлкән татад бәәлә-ла!/2д.
Белкүсцә уснднь
Булхад - чивәд бәәлә-ла!/2д.

Давтвр:
\"Хәәрн күргм. Хөөч\",- гиһәд,
Хадмнь келәд бәәлә – ла!/ 2д.

3.Баар гидг заһснднь,
Балган һарһад бәәлә- ла!/2д.
Улада гидг заһснднь,
Утхан һарһад бәәлә- ла/2д.

4.Хорв заһс үзхләрн,
Хөөһән санад бәәлә- ла!/2д.
Бекр заһс үзхләрн,
Бүрүһән санад бәәлә- ла!/2д.

Давтвр:
\"Хәәрн күргм. Хөөч\",- гиһәд,
Хадмнь келәд бәәлә – ла!/ 2д.

5.\"Цурхин толһа цул өөкн!\",- гиһәд
Дахад келәд бәәлә- ла!/2д.
\"Сазна толһа шал, шалхг!\",- гиһәд
Давтад келәд бәәлә- ла!/2д.

6.\"Шөлтә, махта, яста!\"- гиһәд,
Шинҗинь хәәһәд бәәлә- ла!/2д.
\"Йоста йозурнь -теңгс!\" - гиһәд,
Йөрәлән өргәд бәәлә- ла!/2д.

Давтвр:
\"Хәәртә күргм үгтә!\", - гиһәд,
Хадмнь келәд бәәлә – ла!/ 2д.

7.Өндр гинә хөөһинь
Өрчләд бәәв- ла!/ 2д.
Өөктә гинә махинь
Өргәд, тәвәд бәәв- ла!/ 2д.

8.Һалзн гинә мөринь
Һалзулурад бәәв- ла!/ 2д.
Һалта гинә мөрнь
һарад, ирәд бәәв- ла!/ 2д.

Давтвр:
\"Хәәртә күргм малч!\", - гиһәд,
Хадмнь келәд бәәв – ла!
\"Хәәртә күргм мөрч!\", - гиһәд,
Хадмнь келәд бәәв – ла!

9.\"Манахна айс\", - гиһәд,
Домбр чиңнәд бәәв- ла/2д.
“Матуша Саңҗ!”, - гиһәд,
Дуулад бииләд бәәв- ла!/2д.

10.Келхләрн, халхларн
“Котуш” дуулад бәәв- ла/2д.
Өскәһәрн давтхларн,
Өөдән хәләһәд бәәв- ла!/2д.

Давтвр:
\"Мини күргн дууч!\",- гиһәд,
Магтад бууляд бәәв – ла!/ 2д.
\"Мини күргн биич!\",- гиһәд,
Магтад бууляд бәәв – ла!/ 2д.
\"Мана күргн арһта!\", - гиһәд,
Манахн шуугад бәәв- ла!
\"Мана күргн күчтә!\", - гиһәд,
Манахн шуугад бәәв- ла!

Өлк - гашник, ГА́ШНИК, -а, муж. ( прост.). Шнурок, продёрнутый в верхней части штанов, а также верхняя кромка штанов. Толковый словарь Ожегова.

Борлга Эдгә/ Эдуард Бурлаков еще тексты