В. М. Лупасін - Гарадскі раманс | Текст песни

• Тексты песен
• В. М. Лупасін
• Гарадскі раманс

Тэкст — Андрэй Хадановіч, 2001
Музыка — 2016

у год дваццаць восьмы як ты нараджэньнем пацешыў айчыну
амаль выпадкова ты стрэціў дзяўчыну дакладней жанчыну
вы стрэліся зь ёю на лесьвічнай клетцы на сёмым паверсе
шыкоўныя ногі й даруй мовазнаўца адметныя персі

такое здарэньне такая падзея такая прыгода
між сёмым і шостым дакладней паверхам ля сьмецьцеправоду
яна была роўнай блукаючай зорцы вандроўнай камэце
калі грацыёзна цябе абмінула выносячы сьмецьце

бязь лішніх ілюзій бяз марных спадзеваў бяз подумкі задняй
яе ты праводзіў амаль да пярэдняй вітальні дакладней
ты крочыў у спальню з трымценьнем хлапечым з дрыготкай юначай
нічога такога ня меў ты і ў думках ды выйшла іначай

яна цалавала пяшчотней ад сонца за ветрык лагодней
ты зь ёй сустракаўся штодзённа а часам і двойчы на содні
ты быў шараговым амаль выпадковым і зрэшты чарговым
каханкам красуні ў цагляным будынку сяміпавярховым

а сэрца пяшчотай бруілася ўпотай дакладней каханьнем
якое багомім кунежым і песьцім руйнуем і ганім
зь юрлівых і ўвішных зьбірае Ўсявышні нявернасьці чынш і
цьвітуць ужо вішні а потым віншую зьяўляецца іншы

падводзячы вынік мілосным турботам нядзелям суботам
а потым няпруха а потым запоі а потым а потым
а потым з балькону зрываешся долу амаль выпадкова
і лічыш паверхі і дзякуеш лёсу сяміпавярхова

В. М. Лупасін еще тексты