Валаам - Псалмы 140-141 | Текст песни

• Тексты песен
• Валаам
• Псалмы 140-141

Псало́м 140

Гóсподи, воз­звáхъ къ тебѣ́, услы́ши мя́: вонми́ глáсу молéнiя мо­егó, внегдá воз­звáти ми́ къ тебѣ́.
Да испрáвит­ся моли́тва моя́ я́ко кади́ло предъ тобóю: воз­дѣя́нiе рукý моéю, жéртва вечéрняя.
Положи́, Гóсподи, хранéнiе устóмъ мо­и́мъ и двéрь ограждéнiя о устнáхъ мо­и́хъ.
Не уклони́ сéрдце моé въ словесá лукáв­ст­вiя, непщевáти вины́ о грѣсѣ́хъ съ человѣ́ки дѣ́ла­ю­щими беззакóнiе: и не сочтýся со избрáн­ными и́хъ.
Накáжетъ мя́ прáведникъ ми́лостiю и обличи́тъ мя́, елéй же грѣ́шнаго да не намáститъ главы́ мо­ея́: я́ко ещé и моли́тва моя́ во благоволéнiихъ и́хъ.
Пожéрты бы́ша при­­ кáмени судiи́ и́хъ: услы́шат­ся глагóли мо­и́, я́ко воз­могóша.
Я́ко тóлща земли́ просѣ́деся на земли́, расточи́шася кóсти и́хъ при­­ áдѣ.
Я́ко къ тебѣ́, Гóсподи, Гóсподи, óчи мо­и́: на тя́ уповáхъ, не от­ими́ дýшу мою́:
сохрани́ мя от­ сѣ́ти, ю́же состáвиша ми́, и от­ соблáзнъ дѣ́ла­ю­щихъ беззакóнiе.
Падýтъ во мрéжу свою́ грѣ́шницы: еди́нъ éсмъ áзъ, дóндеже прейдý.

Псало́м 141

Глáсомъ мо­и́мъ ко Гóсподу воз­звáхъ, глáсомъ мо­и́мъ ко Гóсподу помоли́хся.
Пролiю́ предъ ни́мъ молéнiе моé, печáль мою́ предъ ни́мъ воз­вѣщý.
Внегдá изчезáти от­ менé дýху мо­емý, и ты́ познáлъ еси́ стези́ моя́: на пути́ сéмъ, по немýже хождáхъ, скры́ша сѣ́ть мнѣ́.
Сматря́хъ одеснýю и воз­гля́дахъ, и не бѣ́ знáяй менé: поги́бе бѣ́г­ст­во от­ менé, и нѣ́сть взыскáяй дýшу мою́.
Воззвáхъ къ тебѣ́, Гóсподи, рѣ́хъ: ты́ еси́ уповáнiе моé, чáсть моя́ еси́ на земли́ живы́хъ.
Вонми́ молéнiю мо­емý, я́ко смири́хся зѣлó: избáви мя́ от­ гоня́щихъ мя́, я́ко укрепи́шася пáче менé.
Изведи́ изъ темни́цы дýшу мою́, исповѣ́датися и́мени тво­емý: менé ждýтъ прáведницы, дóндеже воз­дáси мнѣ́