Валерий Дайнеко - Найлепшая ў свеце дзяўчына | Текст песни

• Тексты песен
• Валерий Дайнеко
• Найлепшая ў свеце дзяўчына

Pesni.guru - сайт для Гуру

Толькі ты мне даеш адчуванне палёту
Над пакутным жыццём, па-над грэшнай зямлёй.
Забываю свой боль, раставання гаркоту
Толькі побач з табой, толькі побач з табой.

Прыпеў:
Я табе ніколі не вымаўлю "не",
Ласкай і пяшчотай атулю цябе.
Я дзякую Богу, малю,
Шчаслівы, таму што люблю
Найлепшую ў свеце дзяўчыну (варыянт - жанчыну)!
Люблю і да сэрца тулю.

Ты са мной - нечаканага шчасця заранка.
Ты са мной, калі нават не побач са мной.
Ты каханне маё, ты журбы паланянка,
Хваляванне і цнота любові маёй.

Прыпеў.

Я заўсёды з табой - бачаць сонца і зоры.
Ты - трывога мая і святы неспакой.
У хвіліны жальбы, у самоце і ў горы
Я з табой, мая радасць, заўсёды з табой.

Прыпеў (2 разы).

Я дзякую Богу, малю,
Што толькі цябе я люблю,
Найлепшую ў свеце дзяўчыну (варыянт - жанчыну)!
Люблю і да сэрца тулю.