Василий Родионов - Ванды Армияв | Текст песни

• Тексты песен
• Василий Родионов
• Ванды Армияв

Ялганень алясна-тядясна рамазь,
Кинди бука, кинди парня медь ускихть,
Ёньфтомокс, сярядикс – прайкс теемс травазь,
Конатнень ярмакта тонгондозь ВУЗ-га.
Тейне повестка райвоенкоматста
Кандсть тячи шобдава. Родинась терди!
Панжине сельмонень, комотень вастстон,
Армияв ванды прважамасть, мярьгонь.

Припев:
Тят аварде, тядяй,
Тят аварде, аляй,
Тят аварде, щявай,
Тят аварде, щятяй,
Тят аварде, бабай,
Тят аварде, атяй,
Сельмоветтнень потмос ваян,
Кафта кизот ётайхть – саян.

Службазе аделавсь, сон фталу илядсь ни,
Мелькоце сёрматне куд шири кучсефт.
Велеса пизелкснень сёксесь крьвясни,
Стирьхне эсь кельгома цёраснон учсихть.
Цёранят-однят, тинь пелеманьтень кадость,
Армиясь афкукс алякс тийхтедязь,
Родинать ингольде шумонтень пандость,
Ванфтость Отчизнать, эсь Моданьконь-тядять.

Припев:
Тят аварде, тядяй,
Тят аварде, аляй,
Тят аварде, щявай,
Тят аварде, щятяй,
Тят аварде, бабай,
Тят аварде, атяй,
Сельмоветтнень нардасть-штась,
Ваность, кие куду сась!