Вергиз - Эрзянь этник транс | Текст песни

• Тексты песен
• Вергиз
• Эрзянь этник транс

Эрюш Вежай.
Велявт Эрзянь Масторов!

Кува тон аволить яка,
Кува тон аволить пака,
Тон велявт кудов, Эрзянь Масторов,
Лецтик эйкакшпингеть одов.

Вадовось менельга уи,
Ванны-теи, вирев туи,
Пизэзэ тосо, левксэнзэ тосо,
Тетянь-авань кудось косо?

Тосо нувсить варма зэхельть,
Ливтнить ашо шождыне пельть,
Тосо ломантне одт, вишкинеть кудот,
Гайнить тосо эрзянь морот.

Вант, тонь кудо юртот каладсь,
Велень калмазыресь порксазь,
Домка лисьмась коськсь. Колызь, эли сонсь?
Содан, теньсэ чуман мон монсь…

Таго вирстэ вадовось сась,
Велькскам ливтни, сулей каясь.
Середи оймем, лазы седеем,
Мезес мон путыя вием?

Кува тон аволить яка,
Кува тон аволить пака,
Тон велявт кудов, Эрзянь Масторов,
Эсь кудозот совак одов.