Веткаўскі р., в. Старое Сяло - Саколя (калядка) | Текст песни

• Тексты песен
• Веткаўскі р., в. Старое Сяло
• Саколя (калядка)

Народны фальклорны калектыў "Рэчанька" Старасельскага СДК Веткаўскага р.
Зап. Глушэц І.В. 13.01.2010

ХЛОПЦУ:
А ў саду, саду па вінаграду,
Святы вечар, добрым людзям.

Пецечка ходзіць, коніка водзіць,
Коніка водзіць, з конем гаворыць:
Ой, коня, коня, я цябе прадам,
Я цябе прадам за бочку віна,
За бочку віна, за пастаў сукна.
Не прадавай мяне, малады Пеця,
Буду я табе ў бальшой выгадзе:
Як паедзем мы каралю ў сваты,
Сваталі, сваталі, не высватавалі,
Не высватавалі, сілай узялі,
Сілай узялі, ды і павязлі,
Крутым беражком, ціхім Дунаём.

ГАСПАДАРАМ:
Ой долам, долам, шчэй далінаю,
Святы вечар, добрым людзям.

Ой, хто там едзе вечарынаю?
Ой, едзе, едзе, Колечка п'яны:
Ой, адчыніся, Томачка, пане!
Я не адчынюся, цябе баюся,
Перад табою лістом сцялюся.
Ой, лістом, лістом, шчэй зелянен(і)кім,
Перад Колечкам маладзенькім.

ДЗЕЎЦЫ:
A ў Рудні, Рудні ў краснай святліцы.
Святы вечар, добрым людзям.

Томачка стаіць, прыбіраецца,
Бел плацце з сябе, шаўкоў на сябе,
Шаўкоў на сябе, ды да цэрквы йдзе,
Узышла на гані, на гані заззялі,
Гані заззялі, паны стаялі,
Паны стаялі ў Томы пыталі,
Ой ты, Томачка, чыя ж ты дачка?
А я Томачка, Йванава дачка.
Йванава дачка, як паненачка.
Як паненачка, ды як красачка.

Веткаўскі р., в. Старое Сяло еще тексты