Виктор Шаповал - 23й сонет Шекспира на цыганском | Текст песни

• Тексты песен
• Виктор Шаповал
• 23й сонет Шекспира на цыганском

Syr o aktjoro dylyno dre dar
Pre scena vyperela patrinjatyr,
Syr xoljamo - xačjola syr vangar
Te našavela e gody xoljatyr.
Adjake ž me darava: parudy!
Zabistyrdjom tate lava xulaskre,
Haljov, e zor ilestyr našady,
Kirkipena man xana kamlypnaskre.
Mek mre lyla godjasa rakirena,
So pro ilo, jone sy čibale;
Sob tu te pleskires, jone phenena, –
Na čib miri, ada lava čindle.
Dykh pre lava: ilo len bičjavela,
Koli kames, tyro ilo šunela.