Вильямо Шекспиро - Сонэто 66 | Текст песни

• Тексты песен
• Вильямо Шекспиро
• Сонэто 66

Сонэто 066

Кхино, мэ сом бахтяса тэ мэрав,
Сыр куч ничи бутыр мэ на латхав
Прэ пхув, кай бокхалы мэрэл Патыв,
Кай Чячипэн вытрадыно дро ив,
Кай уриды сыр э бори Холы
Бикнэла о чяенгро Жужыпэн,
Кай Зор кирнэс пхутёл э хоханы,
Раняса сыкадёл: лав на выпхэн!
Кай муй Гилякэ запхандло миштэс,
Кай сыкавэла Дылныпэн сарэнгэ
О дром, кай на дыкхно Дэвэл амэнгэ,
Кай Лачипэн кандэла «Нажужэс».*
Кхино, мэ сом бахтяса тэ мэрав,
Нэ сыр про свэто тут тэ ачявав?!
*[devil]


Вильямо Шекспиро еще тексты