Вильямо Шекспиро - Сонэто 7 | Текст песни

• Тексты песен
• Вильямо Шекспиро
• Сонэто 7

Сонэто 007

Коли, сыр совнакаса уридо,
Традэл э рат калы дэвлытко кхам,
Ґаздэла о шэро саро джидо,
Хачёна бахталэ - сарэ якха.
Коли о кхам, ягаса хачкирдо,
Прэ болыбэн урняла учедыр, –
Дыкхэл о свэто, тэлыдыр тэрдо,
Сыр выгыя о Рай тэрно шукир!
Коли ж кэ рат рисёла о дывэс,
Сы кхам кхино сарэн тэ татькирэл, –
Бутыр никон прэ лэстэ на дыкхэл,
Никон якхэнца на родэла лэс!
Тэ на бистрэн тут - со ту ачявэса?
Мэк тэ мэрэс, джидёл о рат чявэса.