Сонэто 090
Ман надыкх, сыр камэс, коли камэс,
Кана о свэто мрэ бутя пхагирла,
Хаськирна бибахтя ман локхорэс,
Мэк тыро васт бутыр на дужакирла.
Коли пхэрдо дукхаса мро ило,
Ту на мар дро думо ман, камлыпэн,
Сыр ячявэл э рат брышынд кало,
Соб тэ кэрэл пал мандэ жужыпэн.
Чюрдэса ман, нэ на палатуны,
Коли киркипэна выпьена зор,
Ту чюрдэ ман екхатыр, хоханы,
Соб мэ екхатыр ґалыём да хор:
Да киркипэн на зоралэс баро,
Коли б тэ на ачявпэ битыро.
Статистика страницы на pesni.guru ▼
Просмотров сегодня: 1