Гуру ПесенВіктар Шалкевіч Szałkiewicz Šałkievič - Орля | Текст песни
Здаецца, пройдзеш колькі крокаў - ув акне гарыць сьвятло: там твае бацькі не спяць.
Як трапіў я ў гэтае дзіўнае напаўмястэчка-напаўвёску
На трыццаць трэцім недарэчным годзе свайго жыцця?
А дванаццатай гадзіне кастрычнік саступае крэсла, лістапад прыходзіць позьні.
Цырымонію пільнуе ставокая, ставухая маўклівая ноч.
Усюды веліч цішыні, і толькі недзе ў вышыні, зьняволеная тэлеграфным дротам, дрыжала нейкая песьня.
Разрывалася на часткі і рассыпалася, як дождж.
Маці кашулю вышывала,
Язьмін ў садзе цьвіў,
Сястра ў дарогу праваджала,
Бацька стары крыжом благаславіў.
Не сухі ліст альховы, ані аркуш паперы, а нібы спалоханая птушка.
Я чуў яе, бачыў яе на ўласныя вочы ў іржавых кратах.
За якімі абразамі, па якіх кутках і каморах, у якіх лясах і пушчах,
Дзе хавалі яе, дзе сьпявалі яе, скуль зьявілася яна?
І вякі бясконцай цемры, вякі дарэмнага чакання, вякі халопства і дурноты,
Вякі сонца і месяца, вякі Вялікага Княства, вякі, калі народ паўстаў,
Благое і добрае, хаўтуры і сьвяты — ўсё разам пераістоцілася ў словы і ноты,
І я не мог сысьці з месца, я застыў, як слуп солі, я слухаў, я маўчаў.
Маці кашулю вышывала,
Язмін ў садзе цьвіў,
Сястра ў дарогу праваджала,
Бацька стары крыжом благаславіў.
Нібы знаёмая вуліца, нібы знаёмыя надворкі — быццам сваё, быццам чужое.
Каля хлявоў, каля гумнаў за маімі плячыма ходзіць восень па склізкіх і голых садах.
Чы затрапеча дубовы лісток на галіне ці скрыпне брамка ў плоце, ці ўпадзе кропля дажджу ў калодзеж —
Я ведаю, гэта мінулае побач, мінулае побач са мною ў шчырых і простых кароткіх радках.
Маці кашулю вышывала,
Язьмін ў садзе цьвіў,
Сястра ў дарогу праваджала,
Бацька стары крыжом благаславіў.
Статистика страницы на pesni.guru ▼
Просмотров сегодня: 2