Вой!Tsique! - Бывай | Текст песни

• Тексты песен
• Вой!Tsique!
• Бывай

Я знайшоў спосаб застацца ў памяці гэтага свету:
Проста трэба жыць, проста трэба піць і снедаць,
Проста хадзіць, проста прыгаць-бегаць і смяяцца,
Глядзець у вочы, пісаць, кідацца за працу;
І ўсё рабіць з сэрцам, сцежку праходзім адзін раз.
Час бяжыць, фільм ідзе, і, канешне, без паўз,
Без рэкламы. Кожны крок набліжае да мэты.
Я ведаю, ты ведай: Бог чакае нас у Небе.
І памяць гэтага свету не сатрэ лепшага,
Таго,што застанецца, хопіць і не на знешняе.
Галоўнае і шчырае. Адрачыся ад слабасці
Дапамажы, памажы жа нам шлях знайсці,
І мы пойдзем разам, ахопленыя цудным жарам,
Светла-чыстым пажарам, прагненнем спець абшарам
Радкі, што напісалі самі радкі,
Бывай, але не забывай, нас шчэ чакаюць дні.

Бывай! Мы яшчэ вернемся сюды.
Прыйдзем напіцца халоднай вады
З крыніц. І ўпадзём ніц
Перад абліччам Даўцы жыцця.

Ад занядбання - натхненне і благаслаўленне,
Памяць у табе, ты - у добрай глебе.
Толькі не збоч, браце, будзь моцным у веры,-
З ёй ты свабодна пройдзеш праз любыя дзверы.
Меры любові не трэба; на шляху сонца
Жадаю. Быць мужным, жадаю, быць моцным
Табе. І мне хопіць у памяці месца,
З пакорай сэрца і разуменнем сэнсу
Слова. Жыццё - дзівоснае і цудоўнае!
Я бачу твае вочы, поўныя захаплення Словам -
Прадвечным і Новым, такім бясконца бяздонным
І жывым, поўным, Домам.
Так, гэта наша і Яго воля,
Спаўняць якую будзем проста гледзячы наперад.
Часамі хутка, часамі - паволі
Па моры жыцця плыць пакуль не знойдзем бераг...

Да таго, як скажаш \"бывай\", зірні ў небакрай:
Бачыш сонца ўсход, белай птушкі ўзлёт?
Для цябе - усё. І я цябе не забуду;
Абяцаю памятаць, пакуль дыхаць буду.
Быццам цяжар з плячэй, але шчэ ёсць слёзы,
Хістаюцца бярозы - і цішыня... Мы зможам
Вярнуцца, мы зможам схіліцца, напіцца
З жыццядайных патокаў Існага.
Дакрануцца, адчуць струмені жыцця,
Дар натуры, дар сённяшняга дня,
Водар нябёсаў і смак маці-зямлі.
Бывай, але не забывай: нас шчэ чакаюць дні...


Вой!Tsique! еще тексты