Вольга Акуліч і гурт "Верасень" - Па дарозе з Вільні на Полацак | Текст песни

• Тексты песен
• Вольга Акуліч і гурт "Верасень"
• Па дарозе з Вільні на Полацак

Па дарозе з Вільні на Полацак
Уцякаем ад навальніцы.
Нам маланкі б'юць наўздагонку,
Нам званы раздзіраюць вушы.

Па дарозе з Вільні на Полацак,
Ад сталіцы і да сталіцы
Мкнуцца нашыя абалонкі,
Ненадзейны прытулак душаў.

Па дарозе з Вільні на Полацак
Шаты дрэваў, крыжы і дахі,
Часткі вечнага краявіду,
Непаўторныя і ў падобным.

Па дарозе з Вільні на Полацак
Адыходзяць начныя жахі,
Тыя, што працінаюць дзідай
Розум хіжы і самаробны.

Па дарозе з Вільні на Полацак
Назаўсёды імчацца дадзена.
Можа, нехта за нас памоліцца,
Да дзівацкіх учынкаў схільны.

І дарога з Вільні на Полацак –
Вось адзінае, што не скрадзена.
Нам не трапіць ніколі ў Полацак,
Нам ніколі не ўбачыць Вільню...

Вольга Акуліч і гурт "Верасень" еще тексты