В.Христофоров и Марта Зайцева - eh, urram, yanara-V Hrictoforov | Текст песни

• Тексты песен
• В.Христофоров и Марта Зайцева
• eh, urram, yanara-V Hrictoforov

1)Эх, юррăм янăра (В. Христофоров)
Ул-муççие васкăна та
Турачĕсем ваккăна
Хĕрсен çамрăк вун çиччĕре
Вылямашкăн чупкана.

Хушса юрламалли:
Эх юррăм янăра
Хут купăсăм аллăмра
Сике - сике ташлар-и те
Саркаланса юрлар-и.

2)Пĕчĕк кайăк сар кайăк та
Сар ыраша юратать
Манăн çамрăк кĕлетке те
Сар каччăна юратать.

Хушса юрламалли:

3)Йывăç касса йĕлтĕр турăм
Йĕр йĕрлеме юрарĕ
Кÿршĕ хĕрне савни турăм
Авланмашкăн юрарĕ.

Хушса юрламалли:

4)Çÿлте çăлтăр пить нумай та
Çутă çăлтăр пĕрре çеç
Ялта каччă пить нумай та
Чун юратни эсĕ çеç.

Хушса юрламалли:

5)Манăн купăс хыть янрать те
Ун ăшĕнче тăхлан çук
Манăн сассăм хыть янрать те
Ман ăшăмра хуйхă çук.

Хушса юрламалли:

6)Шăнкăр – шăнкăр çăл шывне те
Ĕçес те килеть иккен
Савни аса килсессĕн те
Юрлас та килеть иккен.

Хушса юрламалли:

Хушса юрламалли:

Вĕçĕ!!!

В.Христофоров и Марта Зайцева еще тексты