Гүзәл Уразова - Соңгы димә | Текст песни

• Тексты песен
• Гүзәл Уразова
• Соңгы димә

СОҢГЫ ДИМӘ.

Альфред Якшембетов көе,
Гөлсәрвәр сүзләре.

" Соңгы чәчәк, соңгы гөлләр",- димә?!.
Тик быелга алар соңгысы...
Кышлар үткәч, яңа язлар килер,
Гөлләрнең дә булыр яңасы.

Кушымта:

Соңгы димә, ахырзаман түгел,
Ышандырма әле җаныңны?..
Соңгы димә, кабул итми күңел,
Һәрнәрсәнең була дәвамы...

" Соңгы җырым, соңгы көем",- димә?!
Җыр телендә - җаннар авазы.
Йөрәк моңнарына каршы килмә,
Күпме кеше отып аласы.

Кушымта.

" Соңгы көнем, гомер соңы",- димә?!.
Тик бер Ходай белә анысын.
Таңнар аша яңа көннәр килә,
Өметле ит һәрбер яңасын.

Кушымта.

23 гыйнвар 2007 ел.
КАЗАН.

http://vkontakte.ru/club3524919