Г. С. Шторкава, 1914 г. н., в. Мяжа Гарадоцкага р. Віцебскай вобл. - А мы масленку дажыдалі | Текст песни

• Тексты песен
• Г. С. Шторкава, 1914 г. н., в. Мяжа Гарадоцкага р. Віцебскай вобл.
• А мы масленку дажыдалі

Зап. у экспедыцыі пад кіраўніцтвам Л. П. Касцюкавец у 1986 г.
Аўдыяатлас традыцыйнай музычнай культуры Беларусі: музычныя традыцыі Масленіцы Беларускага Падняпроўя [Электронны рэсурс] / Беларуская дзяржаўная акадэмія музыкі. Уклад. В. Прыбылова. – Мінск: Daniva Studio, 2006. № 2.

“Масленка”

А мы масленку дажыдалі
Дыжыдалі, люлі, дажадалі**
Сырым горку набівалі,
Зверьху маслам палівалі.
Наша горка, будзь катліва,
Нашы мамкі вуркатлівы,
Маладушкі прысьмяшлівы.
Мамкі нідзельку выркуталі,
Нас на горку ні пускалі,
А на горкі сьняжкі пышуць,
А нас мамкі дамоў клічуць.
Нам дамоўкі ні хаціцца,
А хаціцца прыкаціцца.
Ны вароненькім канёчку,
У зялёнінькім вазочку.
А нас Масьленка спыдманіла,
Дый на большый пост пысадзіла.
Мы думалі, Масьленкі, сем нідзелік,
Ажно Масьленкі сем дзянёчкыў,
Сем дзянёчкыў з вечарочкым.

**Аналагічны паўтор пасля кожнага радка


Г. С. Шторкава, 1914 г. н., в. Мяжа Гарадоцкага р. Віцебскай вобл. еще тексты