Ак күлмәгең, ак күлмәгең
Бер киюдә каралттың.
Яратмавыңны белсәм дә,
Әллә нигә яраттым.
Ак күлмәгең,ак күлмәгең-
Якасы дулкын бизәк.
Аерылган кош канатыдай,
Әрнеп өзелә үзәк.
Ак күлмәгең,ак күлмәгең
Алларга манам инде...
Чәчәге чынган гөлләрдәй,
Ялгызым калам инде....
Ак күлмәгең, ак күлмәгең
Алыштырмам карага.
Дөрли-дөрли янсын әйдә,
Сулар сипмә ярага.
Мин караны кимим, диеп
Син дә акны киярсең.
Гомер узгач, күлмәк тузгач,
Бәлки син дә сөярсең...
Статистика страницы на pesni.guru ▼
Просмотров сегодня: 1