Габдулла Тукай - Милли моңнар | Текст песни

• Тексты песен
• Габдулла Тукай
• Милли моңнар

Милли моңнар.

Ишеттем мин кичә: берәү җырлый
Чын безнеңчә матур, милли көй;
Башка килә уйлар төрле-төрле, —
Әллә нинди зарлы, моңлы көй.

Өзлеп-өзлеп кенә әйтеп бирә
Татар күңле ниләр сизгәнен;
Мискин булып торган өч йөз елда
Тәкъдир безне ничек изгәнен.

Күпме михнәт чиккән безнең халык,
Күпме күз яшьләре түгелгән;
Милли хисләр белән ялкынланып,
Сызылып-сызылып чыга күңленнән.

Хәйран булып җырны тыңлап тордым,
Ташлап түбән дөнья уйларын;
Күз алдымда күргән төсле булдым
Болгар һәм Агыйдел буйларын.

Түзәлмәдем, бардым җырлаучыга,
Дидем: «Кардәш, бу көй нинди көй?»
Җавабында милләттәшем миңа:
«Бу көй була, диде, Әллүки!»

«Зиләйлүк» көенә (Г. Тукай искәрмәсе).

НАЦИОНАЛЬНЫЕ МЕЛОДИИ

Вчера я слышал - песню кто-то пел,
Ту, что народом нашим сложена.
И я подумал: сколько грусти в ней,
Как беспредельно жалобна она.

Она тревожит сердце. В ней живет
Татар многострадальная душа.
В протяжных звуках - трехсотлетний гнет.
Горька она и всё же хороша.

Да, много тягот испытали мы,
Не сосчитать пролитых нами слез.
Но пламенную верную любовь
Напев свободный сквозь века пронес.

Я изумленно слушал, отойдя
От повседневной суеты земной,
И возникал передо мной Булгар,
И Ак-Идель текла передо мной.

Не вытерпел я, подошел к певцу,
Спросил, коснувшись бережно руки:
\"Послушай, брат, что ты за песню пел?\"
Татарин мне ответил: \"Аллюки\".

1909

Габдулла Тукай еще тексты