Горцы - Анала | Текст песни

• Тексты песен
• Горцы
• Анала

Музыка и стихи Абдуллаха Кубанова.

Уллу Аллахыбызны кёкде буйругъу бла
Кюнню джарыгъын кёгюзтген бизге - анала.
Таза кёлюнден ана тилеген бла
Чырмаусуз ёсе баралла балала.

Туугъан кюнюнгден башлайд джарлы ана
Джангыз кечени толу джукъламай.
Ата джуртунгдан узакъ турсанг да,
Ананга терк кел, кёбню сакълатмай.

Припев:
Дуния юсюнде барды бир сюймеклик,
Ол сюймекликни теренлиги теренди,
Кючлюлюгюне джетмейд аны кючлюлюк.
Ол сюймекликни хар адам да кёргенди.
Ол сюймеклик ёмюрде да юзюлмейд,
Заманнга кёре аз-кёб болмайд - тюрленмейд.
Ол ананы сюймеклигид - тёленмейд!
Анадан ариу джан дунияда кёрюнмейд!

Дуния байлыгъын бир джанына салсанг да,
Барын бирге тырнагъынга тенг этмез.
Дуния юсюнде не игилик этсек да,
Анабызны бир ышаргъанына джетмез.

Анасыны разылыгъын табхан да -
Эки дунияда джашауанда терсеймез,
Джарлы анасын сындыргъан да дунияда -
Излегенин джашауунда кёрелмез.

Припев.

Ананг санга урушду эсе хыны этиб,
Сени кёлюнг къалса бираз ананга,
Сенден эсе джюз кереге къыйналыб,
Джукълаялмай чыгъад ол танга.

Къайгъы этиб тургъан бизге джюреги
Бу дунияда джюз джыл кёрмей кетмесин!
Баласына тазад аны иннети -
Бир баласыны къыйынлыгъын кёрмесин!

Припев.

Горцы еще тексты