гр. Унцукуль - Я Бичасул Авараг | Текст песни

• Тексты песен
• гр. Унцукуль
• Я Бичасул Авараг

Я Бичасул Авараг, уммат хирияв ХIабиб,
ХIалкIолеб гьечIо нижер низамалда хьвадизе.
Замана квешлъун ккедал, куфру гIемерлъун ккедал,
Кинабго чулпа лъугьун чара къотIун ккун руго.

Чорокаб-бацIцIадалъе цIоб гIатIидав Аллагьас
ГIафву гьабун течIони, рорчIизе бакIго гьечIо.
Гьеб рахIмуги нижее РахIманасул щвеялъе
Щибниги далил гьечIо дур мунажат гурони.

Диналъул къадру гьечIел къулубал ратаниги
Къабул гьабе, я Аллагь, ахIараб нижер мавлид!
ХIалал-хIарам жубараб тIагIам батананиги
ТIаса лъугьа, БетIергьан, гьелда ниж рази гьечIин!

Мун вокьун данделъарал диналъул вац-яцазе
Дурго шафагIатазул щвезабе, ХIабиб, бутIа!
ХIисаб-суал гьабизе ГIарасалде рачиндал,
Нечон, хIинкъун ниж тоге, хIакъав русулазул хан!

Ахир заманалде ккун зунубал цIикIкIарал ниж,
Забаниятал рачIун басра гьаризе тоге!
Тавбуялъе кIвахIалаб агьлу ниж ругониги
ЖужахIалъул цIедаса цIуне дуца, Авараг!

Аллагь, Гъафуру-РрахIим, ХIабибасда цIоб лъеги,
ЦIадул балагьалдаса уммат хвасарлъиялъул!
Хасго рецц Дуе, Халикъ, халкъ бижарав БетIергьан,
ТIагьал бицун кIалъазе кIал-мацI нижее кьурав!

гр. Унцукуль еще тексты