Гр.Грозный - Чурт санна лятта со 2015 | Текст песни

• Тексты песен
• Гр.Грозный
• Чурт санна лятта со 2015

Чурт санна лаьтта со,гlум-Азин арахь,
Тянь-Шанан ламанех бlаьрг кхетча гlийла
Генарчу Даймехкан сурт хlоттало,
Малхбузе мел хьийжи,дог lийжадо.

Малх буза бегийна регlа лахбеча,
Суьйре а даш санна суна язъелча,
Ойланийн дарц даьлла со айавелча,
Даймахка вуссу со,я Везан Дела!

Берахь со хьийзинчу даккъашка вуссий,
Лаьмнашка, арешка сирла бlаьрг кхуссий,
Хlиттинчу бlаьргашкасирла хиш дуссий,
Даймахке хьожу со,я Везан Дела!

Тезетахь техкаш говайн бошмаш, хьаннаш,
Гlайгlанах юьзна ю тогlенаш, хьаннаш,
Дайн кешнаш хиллачохь уппханийн аннаш
Хьулдан да воцуш го, я Везан Дела!

Вай дина ярташ го тишъелла, гlийла,
Го шийла шовданаш дай боцуш мийла,
Вайн хьомсар ков-керташ каш санна шийла,
Сов ирча карадо, я Везан Дела!

Тlаккха со, дог духий,аьрцнашка волу,
lийжачу кийрарамохь-цlогlа долу,
Есачу тогlешасоьца мохь олу,
lадавой воьрзу со,я Везан Дела!

Чурт санна лаьтта со гlум-Азин арахь,
Тянь-Шанан ламанех бlаьрг кхетча г1ийла
Генарчу Даймехкан сурт хlоттало,
Малхбузе мел хьийжи дог lийжадо!


Гр.Грозный еще тексты