гр.Учкекен - Къарачай | Текст песни

• Тексты песен
• гр.Учкекен
• Къарачай

Алан халкъны аслан кёллю баласы,
Тау намысны оюлмазлыкъ къаласы,
Хар не тюрлю хазнадан да джеринг бай,
Акъыл сёзлю,дугъум кёзлю-Къарачай!

Тау башлада эримеучю къарынгы,
Субай санлы джашил наратларынгы
Тоялмайма кёзлерим бла ийнакълай,
Акъ башлыкълы,джашилчепкен Къарачай!

Алма терек чакъгъан кюнде,эшикде
Джукълаб тургъан балачыкъны бешикде
Тылпыуундан тогъугъанча ,мен алай
Солуучанма тау хауангы,Къарачай!

Кёзбау сёзге сен бёлдюртме эсинги ,
Сакъла,джакъла,Шам Къарачай,кесинги!
Сюргюнде да болмагъанды кёлюнг сай,
Ата Джуртум,Ана Сютюм-Къарачай!

Керек болса,амалчы бол ,сен алай,
Терк бюгюл да,дженгил тюзел мычхылай,
Кес зорлукъну,сен ашыкъмай бек чыдай,
Хаман джылы болсун юйюнг,Къарачай!

Намыс болсун джюрек хантынг,Къарачай!
\"Бирлик\"болсун ёмюр антынг,Къарачай!
Бай тилинги,хур тилинги сакъла,джай!
Адам санынг минг къат ёссюн,Къарачай!
Адам санынг минг къат ёссюн,Къарачай!