Данис Закиров - Герман көе | Текст песни

• Тексты песен
• Данис Закиров
• Герман көе

Атландым атның биленә,
Киттем Герман җиренә.
Герман җире — кара үлән,
Әллә кайтам, әллә үләм.

Сары каеш дилбегәләр
Безнең атларда гына.
Иртән торсам, ике күзем
Сезнең якларда гына.

Кояш чыга әйләнеп,
Ак болытка бәйләнеп.
Җиңү белән, сау-сәламәт
Кайтсак иде әйләнеп.

Биек икән тавыгыз да,
Куе икән талыгыз.
Без китәбез, туганнарым,
Бәхилләшеп калыгыз.

Без барасы юлларның да
Ике ягы канаулы
Без моңлаймый кем моңлайсын
Калган көннәр санаулы

Биек икән тавыгыз да,
Куе икән талыгыз.
Без китәбез, туганнарым,
Бәхилләшеп калыгыз.

Туган илдән алып китте
Чуен юлның такыры.
Өстемдәге ак кулмәгем
кәфен булыр ахыры.