Демир-оол Кежиктиг - Ынакшылым | Текст песни

• Тексты песен
• Демир-оол Кежиктиг
• Ынакшылым

Сөзү К. Натпий-оолдуу
Аялгазы Г. Базырныы

Ынакшылым, частың башкы чечээ ышкаш,
Частып үнгеш, черни каастаан үнүш эвес.
Ырак дээрде чивеңнежип чүгүрүшкен,
Чедип болбас орай дүнгү шолбан эвес.

Чаның орта чорзумза-даа, амдыгаа дээр
Чараш кыска сөглеп чораан бодалым-дыр.
Чай чок када сагыжымга бо-ла кирер
Чалыы шаамның чаяап берген сатымы-дыр.

Эргим уруг душчуп келгеш, хүлүмзүрүүр,
Эргеледип чырып кыпкан шырайы-дыр.
Ажыг-ишке күжүм чүглеп, сорук киирер
Арыг-шынчы кыска берген күзелим-дир.

Ынакшылым, соок кээрге, кыштан дезип,
Ырак черже ужуп чой баар куш эвес.
Адышка өй чүрээм орта сыңмайн барза,
Ажыдып кээр эң-не күштүг күзелим-дир.

Демир-оол Кежиктиг еще тексты