Джёгетей - Кавказ таула | Текст песни

• Тексты песен
• Джёгетей
• Кавказ таула

Музыка и стихи Жекерии Карчаева (1922-1999), народные.

Ой Кавказ таула, мийик, ариу таула,
Бизни деменгили къалабыз.
Сиз да джылагъыз, биз да - ой, джылайбыз -
Сизден айырылыб барабыз.

Узакъ айырылыб, кетиб да барабыз,
Ёмюрлюк джашагъан тауладан,
Биз ёлгенлеге неге да джылайбыз -
Ала насыблылла сауладан...

Москвадан келген чуут командирле,
Тёгерекге джыйыб, санайла.
Ма бу бизге джетген ачы къыйынлыкъгъа
Тауда, тюз да - бары джылайла.

Москвадан келген чуут командирле,
Тёгерекге тыйыб, санайла.
"Сиз бизни къоюб кетиб барасыз", - деб,
Ёлгенле да бизге джылайла.

Ала уа джыламай, къалай да этсинле, -
Кетдиле дууачы къартлары.
Къазахстанда джангыз бир джылгъа болгъанды
Бу джарлы къартланы артлары.

Бизни къартларыбыз джаталла, ой, Аллах.
Ала - джаназысыз, дууасыз.
Межгитлерибиз а къалыб да кетдиле,
Ала - байрым кюнде джумасыз.

Ыстауат сакълагъан бизни итлерибиз,
Ызыбыздан къараб, улуйла.
Джангыз бир сагъатха уа уллу Къарачайдан
Къаллай ариу элле къуруйла.

Ийнеклерибиз а къалыб да кетдиле,
Эшиклери ачылмай, ёкюре.
Темир вагонлада кетиб да барабыз,
Ызыбызгъа къараб, ёкюне.

Бери келгенли уа бир кёб да болгъанды,
Ой Аллах, джюрек джарала.
Аналары ёлген ёксюз сабийлени
Мында казнагъа да алалла.

Узакъда да къалгъан Кавказ джуртубузда
Энди кимле джашай болурла?
Худжу къалыб кетген бизни рысхыбызны
Энди кимле ашай болурла?

Тарыгъыуларым а алай да кёб элле,
Айтыб къолумдан а келмейди.
Мында ёлгенлеге "ачдан ёлгенд" дейле -
Аджалсыз киши да ёлмейди.

Джёгетей еще тексты