НА ДВАРЭ – ЧОРНА ХМАРА
На дварэ – чорна хмара ўецца,
Пад вакном – каляднік чаўпецца.
Клічце яго у хату,
Ён вам будзе сьпяваці
Каляду!
Ямін-ямін-яміна,
Весяліся, дружына
Хрыстовая!
Як ў пячы пірагі сядзелі,
Там мае вочанькі глядзелі.
Туды-сюды паглядаў,
Па адному выцягаў,
Наеўся!
Ямін-ямін-яміна,
Весяліся, дружына
Хрыстовая!
Як ў пячы пірагоў ня стала,
Палез я на гару па сала,
А я сала не дастаў,
З драбіною з гары ўпаў,
Пабіўся!
Ямін-ямін-яміна,
Весяліся, дружына
Хрыстовая!
Ямін-ямін-яміна,
Весяліся, дружына
Хрыстовая!
Статистика страницы на pesni.guru ▼
Просмотров сегодня: 2