Дзіцячы альбом (ч.2) - 11. Песьня настаўніцы | Текст песни

• Тексты песен
• Дзіцячы альбом (ч.2)
• 11. Песьня настаўніцы

ПЕСЬНЯ НАСТАЎНІЦЫ

У душы – мітусьня
першага
верасьня!
У мяне – важны крок:
першы ўрок
і званок.
Мне актыў
гаварыў:
Гэты клас
не бяры!
А я ўпартая ў вас –
Я ўзяла гэты клас.

Ды я прызнаюся:
Вельмі я баюся!

І дырэктар
раней
падбадзёрваў
мяне.
Сьціснуў завуч руку –
На маім ён
баку.
Вартаўнік
Абамлеў –
Спачувальна глядзеў.
Так жа мне гаварыў
Нешта ўвесь калектыў...

Але прызнаюся:
Ўсё адно – баюся!

Пр. Я такога
Чула многа –
Зь дзецьмі ў школе трэба строга!
Ды, што маю,
Паўтараю, –
Я зусім і не такая!

У душы – мітусьня
першага
верасьня!
Я ішла
як у сьне,
Суцяшалі
мяне,
Абдымалі
мацней,
Давялі
да дзвярэй,
Ціха паставілі
А затым – уцяклі...

Я стаю, думаю
думку адчайную...

Пр. Я такога
Чула многа –
Зь дзецьмі ў школе трэба строга!
Ды, што маю,
Паўтараю, –
Я зусім і не такая!

Не такая,
Я другая,
Я люблю іх, не караю!
Не такая,
Не такая,
Голас я не павышаю!