Гуру ПесенДидар Камиев - Ана туралы (Ерженис терме)[2014] [www.kaztrack.kz] | Текст песни
Pesni.guru - сайт для Гуру
Қайта ғой, қонақ кепті үйіңе бар,
Деп ұстаз мектебімнен қайтарған ед,
Тыңдаушым, қонағы кім кейін ұғар.
Күйсе де сағыныштың отын-дамын,
Қонақтар болсын мейлі жақындарым,
Ата-анам қалдырмаушы ед сабағымнан
Білмедім неге жедел шақырғанын.
Алысамын ойыммен, сенделемін,
Үйге қарай аяңдап мен келемін.
Сағынған соң алыстан ат терлетіп
Келген шығар ағалар-жеңгелерім.
Келгеніме апалар-жезделердің,
Олар болса үйіме тез келермін.
Айтқан кезде ұстаздың келбетінен
Қандай қонақ шақыртқан сезбегенмін.
Бұл қонақ ішінде көп наласы бар,
Кешегі мұңын шаққан бала шығар.
Көшені бойлап үйге, ойлап келем,
Деседі жорамалын нағашылар.
Қашан да баласына жаны құштар,
Анам ба ақ жүрегі алып ұшқан.
Баласын айлар бойы көрмегесін
Шақыртқан сол екен-ау сағыныштан.
Қалаға емделуге жөнелгеннен
Ізінен хат жазғанмын өлеңменен.
Сағынып кеттім сені кұлыным-ау,
Сауығып емханадан келем деген.
Қуанышымды қалайша жасырамын,
Үйге қарай апалап асығамын.
Анам менің той жасап жатқан болар,
Аман келіп қаладан асыл жаның.
Анам менің той жасап жатқан болар,
Аман келіп қаладан асыл жаның.
Арасынан халықтың қара құрым,
Таба алмады анасын бала құлын.
Күтсе-дағы сарғайып анасының
Келмегенін білмеген бола-тұғын.
Бәрі мынау ауылдың адамдары,
Жылағандар тұс-тұстан қараңдады.
Анаң қазір келеді деді біреу,
Аласұрып жүрегім алаңдады.
Сағынышты адамым санамдағы,
Анам еді, айтыңдар анам қане?
Көлік келді сол күні қала жақтан,
Жатыр біреу үстіне ақ мата жапқан.
Тек есімде көпшілік сол адамды
Үйге қарай көтеріп бара жатқан.
Ақ сүт беріп өсірген анам екен,
Ақ жамылып қимылсыз ана жатқан.
Сонан бері кішкене жүрегімді
Айықпастай сағыныш жара жапқан.
Шуағын төгіп тұрған жаны нұрлы,
Елестеп анам болып сағым тұрды.
Сағынып келсе екен тез деп жүргенде,
Тағдырым өмір бойы сағындырды.
Түседі күлген кезі кейде есіме,
Күлкісі, қуанышы сый-несібе.
Ғаламның сұлулары татымайды-ау,
Анамның күліп тұрған бейнесіне.
Ғаламның сұлулары татымайды-ау,
Анамның күліп тұрған бейнесіне.
Статистика страницы на pesni.guru ▼
Просмотров сегодня: 2