Диляра Надырова и гр. Восток - Мубарак диде | Текст песни

• Тексты песен
• Диляра Надырова и гр. Восток
• Мубарак диде

Дидедин хайи йикъаз

1:
Хайи йикъан ви шад межлис рик1еваз,
Мубаракиз атанва чун, диде ваз.
Экуь дуьнья чаз къалурай рагъ, диде!
Вун акурай чаз гьамиша сагъ, диде!

Ширин диде,женнет багъдиз тир ухшар,
Пудкъанни ц1уд хьанава къе ви яшар.
Мекьи ч1авуз чаз чим гайи гад, диде,
Кьисмет хьурай ваз гьар са югъ шад, диде!

Припев:
Диде чан, вун хайи
Югъ,мубарак хьурай ваз!
Аллагьди, чан сагъ яз,
Яргъи уьмуьр гурай ваз!

Диде ваз, дердер мад
Ахварайни такурай!
Вун веледриз гьамиша
Шад яз акурай!

2:
Гегьенш хьана рик1е авай хиялар,
Бахтлу яз ваз акурай ви аялар.
Ваз акуна шад мехъерар хтулрин,
Баде хьурай, диде, вакай птулрин!

Вун галачир гьар са югъ чаз серин я.
Куьз лагьайт1а вун веледриз ширин я.
Диде чан, вун,чи уьмуьрдин даях я.
Вун веледрин куьтягь тежер дамах я!

Припев:
Диде чан, вун хайи
Югъ,мубарак хьурай ваз!
Аллагьди, чан сагъ яз,
Яргъи уьмуьр гурай ваз!

Диде ваз, дердер мад
Ахварайни такурай!
Вун веледриз гьамиша
Шад яз акурай!

Диляра Надырова и гр. Восток еще тексты