Елена Әбдіхалықова (әні мен сөзі: Т. Досымов) - Қазақ едім дегенше... | Текст песни

• Тексты песен
• Елена Әбдіхалықова (әні мен сөзі: Т. Досымов)
• Қазақ едім дегенше...

Қазақ едім дегенше, құсалықпын десеңші,
Тұзағына талайдың тұсалыппын десеңші.
Сәкен,Ілияс, Бейімбет үш арысты бір түнде,
Арамыздан ап кеткен үш әріппін десеңші.

Қазақ едім дегенше, бастық едім десеңші,
Самара асқан составпен астық едім десеңші.
Өзіме өзім, дүние ай, қас қып едім десеңші,
Қырып салған халқымды аштық едім десеңші.

Қазақ едім дегенше, нар едім ғой десеңші,
Бақ дәулетті шашуға бар едім ғой десеңші.
Кемелденген кездерде елу миллион болып,
Құла дүзде мыңғырған мал едім ғой десеңші,

Қазақ едім дегенше, дарын едім десеңші,
Әуелетіп Айдайға салып едім десеңші.
Бойдан қуат кеткенде, ұл қызыммен қоштасып,
Қарттар үйі алдында қалып едім десеңші…

Қазақ едім дегенше, өліп едім десеңші,
Баындағы әркімнің бөрігі едім десеңші.
Шәкәрімдей шыңырау, тектілерді шыңғыртып,
Алпыс жылдай архивке көміп едім десеңші.

Қазақ едім дегенше, бөлтірік ем десеңші,
Талай дарын дүниеге келтіріп ем десеңші.
Мың жылда бір туатын Мұқағали секілді,
Алыбымды абайсыз өлтіріп ем десеңші.

Қазақ едім дегенше, нағыз едім десеңші,
Шаш етектен талайға қарыз едім десеңші.
Қолым қышып кеткенде, ер азамат үстінен,
Астанаға жазылған арыз едім десеңші.

Қазақ едім дегенше, дінсіз едім десеңші,
Қазақ едім дегенше, құнсыз едім десеңші.
Өзбегіңе мал сатып, шашлығын сыраға,
Қосып жеген дүние ай, мұңсыз едім десеңші.