Жақау - Чемпиондар | Текст песни

• Тексты песен
• Жақау
• Чемпиондар

Қазақстан Чемпиондарының құрметіне!!!

Қазақстанды қыран етіп ұл-қызы көкке көтерді,
Олар әлемге паш етті, Қазақ атты елді.
Олар сонда кімдер? Қарапайым адамдар,
Намысқа тырысқан елін сүйген Чемпиондар.
Есіңде ме сол бір жылдар? Сиднейде шаршы алаңда,
Бекзат Саттарханов қарамай шаршағанға.
Былғары қолғап, есеңкіреткен қарсыласын,
Ибрайымов Ермаханды қалайша ұмытасың?
Қазақ деп соққан жүрегі Жұмаділов Болаттың,
Сол сәтте астында еді олар үлкен сынақтың.
Ділдәбеков Мұхтархан Сиднейде мойымады,
2000-да бүкіл әлем Қазақстанды мойындады.
Геннадий Головкин, Бахтияр Артаев,
Афинада дәлелдеді Қазақстан лайық.
Әлемдік боксқа күш салды Василий Жиров,
Ең биіктен Қазақстанға жасады үлкен сыйлық.
Галиф Жаппаров, Айдар Досболғанов,
Чемпиондар себебінен Қазақты әлем жатыр танып.
Ардагерлер қаншама, бірі Серік Қонақбаев,
Аты аталмай қалғандарға құрметтеп қол соғайық.

Олимпиада алауымен, көкке көтерілген қолдар,
Қазақстан деп ұрандаған, кім еді олар?
Қазақ еліннің бағына, бұйырған қыздармен ұлдар,
Қарапайым ел есіндегі Чемпиондар.

Қазақстан мақтанады әлемге кілемінде,
Қазақтың Балуандарын таныған Кремльде.
Қажымұқан Мұңайтпасов тірі болған тілге,
Күш атасы көрсетіпті өз өнерін түрлі елге.
Қалған елдің жүрегінде осы бір есім,
Қажымұқансыз елестету қиын Қазақтың күресін.
Балуан Шолақты білесің, бұл да бір текті атамыз,
Байғабыл Қызылбас тарихтағы балуанымыз.
Жақсылық Үшкемпіров жеңіп те алыптады,
Европамен Азияда Қазаққа орын алып қалды.
Қазағым ұмытпайды марқұм Шәміл Серіковты,
Екі дүркін Чемпионы әлемнің нағыз мықты.
Дәулет Тұрлыханов - шебері боз кілемнің,
Қара жерге қаратқан, чемпиондарын бұл әлемнің.
Мәулен Мамыров - Атланта жеңімпазы,
Қазақтың мақтанышы, біртуар баласы.
Ислам Байрамұқов құр емес жүлделері,
Сиднеймен Афинада ел үшін жанын берген.
Боз кілемнің ұлдары мақтануға лайық,
Аты аталмай қалғандарға құрметтеп қол соғайық.

Олимпиада алауымен, көкке көтерілген қолдар,
Қазақстан деп ұрандаған, кім еді олар?
Қазақ еліннің бағына, бұйырған қыздармен ұлдар,
Қарапайым ел есіндегі Чемпиондар.