Жанека Кенжебекқызы - Қырсықтығың ұнайды... | Текст песни

• Тексты песен
• Жанека Кенжебекқызы
• Қырсықтығың ұнайды...

Ішке бүккен, жүректе сырың бардай,
Үндемейсің,үндесең тілің балдай,
Сөзден сөзге ілесер шақ келгенде,
Кетіп қала бересің тілімді алмай.

Бір айыма жалғап алып бір айды,
Күте берем,сүйген жүрек шыдайды,
Қылығыңа,жанарыңа жарасқан,
Маған сенің қырсықтығың ұнайды.

Алыстасам ашыласың сөзіңмен,
Талай-талай өзіңді ойлап көз ілгем,
Естімесем естімейін өзіңнен,
Сүйетінің көрініп тұр көзіңнен.

Аузыңды ашсаң адалдығың аңқиды,
Құрғұр жүрек махаббатқа балқиды,
Қиялыммен кейіпкерін жасап ап,
Тыңдай берем әуезді әуен,әр күйді.

Өзіңді іздеп жер қалмады бармаған,
Мен сияқты сені іздейтін барма адам,
Тез берілмес,қасиетіңе беріліп,
Сені осылай бағалағам,таңдағам....
Дастан Матниязов

Жанека Кенжебекқызы еще тексты