Женское двухголосие - Господи Сил (соловецкий обиход) | Текст песни

• Тексты песен
• Женское двухголосие
• Господи Сил (соловецкий обиход)

Господи Сил с нами буди, иного бо разве Тебе помощника в скорбех не имамы, Господи Сил, помилуй нас.
Хвалите Бога во Святых Его, хвалите Его во утвержении силы Его.

Припев: Господи Сил, с нами буди, иного бо разве Тебе, помощника в скорбех не имамы. Господи Сил, помилуй нас.

Хвалите Его на силах Его, хвалите Его по множеству величествия Его. (Припев)
Хвалите Его во гласе трубнем. Хвалите Его во псалтири и гуслех. (Припев)
Хвалите Его в тимпане и лице, хвалите Его во струнах и органе. (Припев)
Хвалите Его в кимвалех доброгласных, хвалите Его в кимвалех восклицания: всякое дыхание да хвалит Господа. (Припев)
Хвалите Бога во Святых Его, хвалите Его во утвержении силы Его. (Припев)

Слава Отцу и Сыну и Святому Духу. Господи, аще не быхом имели Святыя Твоя молитвенники, и благостыню Твою милующую нас, како смели быхом, Спасе, пети Тя. Его же славословят непрестанно Ангели; Сердцеведче, пощади души наша.

И ныне и присно и вовеки веков. Многая множества моих, Богородице, прегрешений, к Тебе прибегох, Чистая, спасения требуя: посети немощствующую мою душу и моли Сына Твоего и Бога нашего, дати ми оставление, яже содеях лютых, Едина благословенная.

Всесвятая Богородице, во время живота моего не остави мене, человеческому предстательству не ввери мя, но Сама заступи и помилуй мя. Все упование мое на Тя возлагаю, Мати Божия, сохрани мя под кровом Твоим.