З. Вайцюшкевіч - Калыханка-лічылка | Текст песни

• Тексты песен
• З. Вайцюшкевіч
• Калыханка-лічылка

Зорачкі-заранкі,
Гэта кветкі неба;
Пасьля калыханкі
Спаць заўсёды трэба.
Раз, два, тры, чатыры, пяць,
Засынай!
Раз, два, тры, чатыры, пяць,
Баю-бай!

Прыпеў:
Колькі зорак –
Столькі кветак;
Колькі кветак –
Столькі дзетак;
Колькі дзетак –
Столькі сьлёз,
Весялосьці і дзівос!

У палатцы,
Як у хатцы,
Зоркі сьняцца,
Кветкі сьняцца...
Не зьлічыць
Ажурных сноў.
Сьпі, маленькі,
Будзь здароў!

Зорачкі лагодай
Неба агарнулі,
Кветачкі ў гародах,
Як адна, паснулі.
Раз, два, тры, чатыры, пяць,
Засынай!
Раз, два, тры, чатыры, пяць,
Баю-бай!

Прыпеў.

І парою горкаю,
І парою сьветлай
Трэба верыць зоркам,
Трэба верыць кветкам.
Раз, два, тры, чатыры, пяць,
Засынай!
Раз, два, тры, чатыры, пяць,
Баю-бай!

З. Вайцюшкевіч еще тексты