Зө-Ләй-Лә - Бәйлим-сүтәм | Текст песни

• Тексты песен
• Зө-Ләй-Лә
• Бәйлим-сүтәм

Кечкенәдән өзелеп сөйдем, өзелеп сөйдем мин сине,
Гөрләп янган ут эченә жәлләми салдың мине.

Бәйлим-сүтәм, бәйлим-сүтәм бәйләгән бәйләмемне.
Бәйләгән атлар күк торам, белмисез хәлләремне.
Бәйлим-сүтәм, бәйлим-сүтәм бәйләгән бәйләмемне.
Бәйләгән атлар күк торам, белмисез хәлләремне.

Сандугачым сайрады да оясына кермәде,
Ашкынды яшь йөрәккәем – ни күрәсең, белмәде!
Алма биреп ашатырлар – ашама, бәгырькәем!
Дошман сүзләренә карап ташлама, җанкисәккәем!

Бәйлим-сүтәм, бәйлим-сүтәм бәйләгән бәйләмемне.
Бәйләгән атлар күк торам, белмисез хәлләремне.
Бәйлим-сүтәм, бәйлим-сүтәм бәйләгән бәйләмемне.
Бәйләгән атлар күк торам, белмисез хәлләремне.

Кара бөдрә чәчләремне тарадым, урамадым,
Тауга менеп, ташка басып кычкырдым, түзә алмадым.

Бәйлим-сүтәм, бәйлим-сүтәм бәйләгән бәйләмемне.
Бәйләгән атлар күк торам, белмисез хәлләремне.