Заур Салпагаров - Зуфарны джыры | Текст песни

• Тексты песен
• Заур Салпагаров
• Зуфарны джыры

Стихи Исмаила Чыгырова.

Джашау джолума джолдаш этерге
Бир таулу къызны сюйдюм да,
Ол муратыма джеталмай, анам,
Джалынсыз отда кюйдюм да...

Джуукъларым къууаныб келдиле
Джангы келинчикни кёрюрге...
Аджалым алай болур эд, анам,
Къатын алмай, ёлюб кетерге.

Ой, андан эсе къалгъаед, джашла,
Ол чыракъ, джаныб, джарытмай.
Келинни джолда къоюб барама,
Джарлы анама танытмай.

Саулагъа къараб, джылайды анам:
"Джангыз баламы джойдум", - деб.
Ой, менден кёлюнг къалмасын, ой сюйгеним,
Сени джарты джолда къойдум, деб.

Заманла дженгил ётелле,
Этген болджалла джетелле.
Тоюма келген халал тенглерим,
Джылаб, джаназымы этелле.

Ой, андан эсе къалгъаед, джашла,
Ол чыракъ, джаныб, джарытмай.
Келинни джолда къоюб барама,
Джуукъларыма танытмай.

Заманла дженгил ётелле,
Этген болджалла джетелле.
Тоюма келген халал тенглерим,
Джылаб, джаназымы этелле.

Аллахдан сизге тилейме, тенглерим,
Быллай къыйынлыкъла кёрмегиз...