Зоя Алтуева - Бешик джыр (Колыбельная) | Текст песни

• Тексты песен
• Зоя Алтуева
• Бешик джыр (Колыбельная)

Музыка Омара Отарова, стихи Керима Отарова.

Джукъла, ариу балам, джукъла къойнумда,
Джукълайла ай тийген джолчукъла.
Юйюбюз аллы Черек бойнунда.
Къалкъыйла назикбел талчыкъла.

Джукълайдыла, джашым, къарылгъашчыкъла.
Элибиз башы Акъ къаяда.
Тынчайгъандыла къуш балачыкъла,
Къууанчлы тюш кёре уяда.

Санга къарайдыла узакъ джулдузла,
Мийикге учаргъа чакъыра.
Ким биледи, сен джулдуз джол ызла
Ачарса къыралгъа, халкъынга.

Джукъла, джашым, гюл чапыракъ юсюнде
Чыкъ бла ойнайды ай джарыкъ.
Ашхы муратынг толур ючюннге,
Дунияда сакъланыр мамырлыкъ.