Зоя Алтуева - Зикир | Текст песни

• Тексты песен
• Зоя Алтуева
• Зикир

стихи Абу-Юсуфа-хаджи Эбзеева
(отрывок из стихотворения "ХизбуЛлах")

Эй, адамла, къачмагъыз, Аллахны тюз джолундан!
Къачханча джаханимни джаннган къызыу отундан.

Бу Аллахха чакъырад хар кимни къутхарыргъа,
Джандетге киргенлеге, къалгъанла сукъланыргъа.

Бу дунияда да бизни ол тюз джолгъа салады,
Ол айтханча этгенни, адамлыгъы толады.

Адамлыгъы болмаса, адам адам болмайды,
Ариу къылыкълы болмай, къайда да ол онгмайды.

Джандетли болур ючюн, мында адам болайыкъ,
Аллах Кеси Къуранда айтхан джолда турайыкъ.

Сиз ма былай турсагъыз, Мен разы болурма дейд,
Иймандан сора Аллах ариу къылыкъны излейд.

Мында къазауат этиб, къылыгъын ким тюзетсе,
Къой дегенин ол къоюб, эт дегенин да этсе,

Ол адамгъа къайда да Аллах разы боллукъду,
Ашхыла бла джаннетде ол къууана турлукъду.

Я, Рабби, Сен бир болуш, огъур кюнде биз башлаб,
Муратлагъа бир джетдир, динибизни Сен бошлаб!

Аллы башланнган кибик, артын да Сен бир онгдур,
Биз этген муратланы, Я, Аллахым, бир толтур!

Я, Рабби, бир эт бизге Сени кенг рахматынгы,
Джюрек Сени эсгериб, биз айтырлай Атынгы!