Зуфалый Литвин - Прывилей на приданье герба месту Гомейскому | Текст песни

• Тексты песен
• Зуфалый Литвин
• Прывилей на приданье герба месту Гомейскому

Жыкгимонт Август, божью милостю король польский, великий князь литовский, руский, жомойтьский, мазовецкий и иных.

Ознаймуем сим нашым листом.
Присылали до нас подданые нашы мещане места Гомейского, оповедаючы, што ж они печати местское, которое бы справы местьские печатовати мели, в себе не мають и для того дей великое затруднение в тых справах и потребах местских им частокрот деется. И били нам чолом, абыхмо ласку нашу вчинили, а печать местскую мети им дозволившы, герб прыдали.

Ино мы з ласки нашое господарское и для чоломбитя их, злаща, абы омешканье и затрудненье таковым справам и потребам их местским не деялося, то есмо вчинили, печать местьскую з гербом крыжа им дали и мети дозволили и сим листом нашым дозволяем.

Мають вжо они от того часу тое печати и гербу помененого во всих справах и потребах, оному месту належачих, вживати и им печатоватися по тому, яко и у в ыншых местах нашых Великого князства Литовского обычай того заховывается.

И на то есмо им дали сесь наш лист з нашою печатю.

Писан у Вильни лета божого нароженя 1560 месяца марца 21 день.

Дэкламуецца прывілей Жыгімонта Аўгуста гомейскім мяшчанам на права карыстацца гарадской пячаткай (21 сакавіка 1560 г.)

Мелодыя: Carlos Estella \"World of Dreams no choir\" http://www.jamendo.com cc_standard


Зуфалый Литвин еще тексты