Зьмiцер Вайцюшкевiч - Пані трошкі ў гадах | Текст песни

• Тексты песен
• Зьмiцер Вайцюшкевiч
• Пані трошкі ў гадах

Верш Р. Барадулiна.

Цыгарэтны туман ападае ў кавярні,
I канкрэтны раман круціць хітры ліхвяр,
Пані трошкі ў гадах, вочы быццам ліхтарні,
Тут слугуе туга, тут настрой гаспадар.

Чаркі змову вядуць, захапляюцца плёткі.
Пані трошкі ў гадах і ліхвяр нестары,
I хмялее ліхвяр, і не лічыць адсоткі,
I штурхаецца жарсць у людскім гушчары.

Як на шалях маўчыць і пяшчота былая,
Здрада цёмных начэй і спагада завей,
I каменны камін сарамліва палае,
I ўцякае ўспамін ад абдымкаў далей.

Звыклі ўсе да ахвяр у нязвыклай ахвярні,
Чырванець перасталі сырыя муры,
Ашукацца прыйшлі ў непрабуднай кавярні
Пані трошкі ў гадах і ліхвяр нестары.

http://www.baradulin.ru/kavyarnya

Зьмiцер Вайцюшкевiч еще тексты