Зьміцер Вайцюшкевіч ("Я нарадзіўся тут") - Разьвітаньне з Радзімай | Текст песни

• Тексты песен
• Зьміцер Вайцюшкевіч ("Я нарадзіўся тут")
• Разьвітаньне з Радзімай

Сонца праменьне стужкай вузкай
Ператкала помны вечар.
Край бацькоўскі, край мой беларускі,
Я табе кажу на разьвітаньне:
"Да спатканьня, да сустрэчы".
Я табе кажу на разьвітаньне:
"Да спатканьня, да сустрэчы".

Водар закінутага саду,
Ў небе зорка Мілавіца,
Таямніцы паркавых прысадаў,
Пэўна, неаднойчы на чужыне
Будуць мроіцца і сьніцца.
Пэўна, неаднойчы на чужыне
Будуць мроіцца і сьніцца.

Зноў залунае наш штандар,
Палыхне ўначы пажар
І паходнаю трубой
Зноў пакліча нас з табой на мужны бой
Мая Радзіма - край адзіны.
Да яго з выгнаньня
Шлях вяртаньня - шлях змаганьня.

Ростань на ростанях краіны.
Раніць думкі шлях абраны.
Прагне сэрца ў родныя мясьціны
І Радзімы вобраз ажывае
Растрывожанаю ранай.
І Радзімы вобраз ажывае
Растрывожанаю ранай.

Дахі мястэчак, стрэхі вёсак,
Вежы замкаў і палацаў,
Гонкіх храмаў звонкі адгалосак
Клічуць да сябе,
Бо немагчыма з гэтым краем разьвітацца.
Клічуць да сябе,
Бо немагчыма з гэтым краем разьвітацца.

Зноў залунае наш штандар,
Палыхне ўначы пажар
І паходнаю трубой
Зноў пакліча нас з табой на мужны бой
Мая Радзіма - край адзіны.
Да яго з выгнаньня
Шлях вяртаньня - шлях змаганьня.

Воі прагнуць волі,
Воля - сьвет і доля.
Броні звон ды коні,
Коні - кліч "Пагоні".
Крочым з багны ночы,
З ночы шлях прарочы.

Зноў залунае наш штандар,
Палыхне ўначы пажар
І паходнаю трубой
Зноў пакліча нас з табой на мужны бой
Мая Радзіма - край адзіны.
Да яго з выгнаньня
Шлях вяртаньня - шлях змаганьня.

Золак, ахутаны туманам
Далягляды ў барвах бэзу.
І гучаць нябёсныя арганы,
І жывуць у сэрцы,
І зьліваюцца ў гуках палянэзу.
І жывуць у сэрцы,
І зьліваюцца ў гуках палянэзу.