Зьміцер Захарэвіч - Усім дзякуй! | Текст песни

• Тексты песен
• Зьміцер Захарэвіч
• Усім дзякуй!

УСІМ ДЗЯКУЙ !

Усім дзякуй! Усе вольныя, покуль недзе
Для нас не напішуць новых роляў.
Бывайце здоровы, а тэатар болей не прыедзе –
У яго, гэтак мовіць, скончыліся гастролі.

І кіньце плакаць! – Было б чаго шкадаваць!
Хоць, вядома, нешта, зьнікла незваротна,
Затое будзе што пасьля парасказаць
Пра ўласныя няўдачы і гароту.

О, мы някепска адыгралі свой спэктакль,
Нягледзячы на зьмены рэжысэраў:
Забытае, замаляванае ад нас
Да вас часам вярталася ў якасьці прэм’еры.

А за цярплівасьць – кветкі гледачом,
Ім ружы кідайце з падзякай,
Што ў наш тэатар завіталі, што
Даглядзелі першы наш спэктакаль.

Усё скончана. Прыціхлі галасы мэлёдый
І выбраў сабе сцэну, хто якую змог,
А я жадаў на кожнай апынуцца, хоць у эпізодзе,
А, можа, нават мець маленькі дыялёг.

Ды зараз дзякуй колішнім партнэрам,
Бо я згуляў ня самую бясколерную роль.
І ўсё ж, своечасоваю слязой
па масцы Мэльпамэны
Пральецца ў гэты сьвет ваш “невылечны боль”.