Игорь Королев (бас), Виталий Москвичев, Петр Селин, Сергей Четвергов - "С нами Бог". Со стихи. На Великой Павечернице (Нефимон) | Текст песни

• Тексты песен
• Игорь Королев (бас), Виталий Москвичев, Петр Селин, Сергей Четвергов
• "С нами Бог". Со стихи. На Великой Павечернице (Нефимон)

С нами Бог, разумейте языцы и покаряйтеся, яко с нами Бог.
Услышите и до последних земли, яко с нами Бог.
Могущии покаряйтеся, яко с нами Бог.
Аще бо паки возможете, и паки побеждени будете, яко с нами Бог.
И иже аще совет совещаваете, и разорит и Господь, яко с нами Бог.
И слово еже аще возглаголете, не имать пребывати в вас, яко с нами Бог.
Страха же вашего не имам убоятися, ниже соблазнитися, яко с нами Бог.
Господа же Бога нашего святите, и Той будет вам в боязнь, яко с нами Бог.
И иже аще Нань надеешися, и Той будет ти во освящение, яко с нами Бог.
И уповающе будем Нань, и спасемся Его ради, яко с нами Бог.
Се аз и дети, яже ми дал Бог, яко с нами Бог.
Людие ходящии во тме, видеша свет велии, яко с нами Бог.
Живущии во стране и сени смертней, свет восияет на вы, яко с нами Бог.
Яко Отроча родися нам, Сын и дастся нам, яко с нами Бог.
Ему же власть бысть на раме Его, яко с нами Бог.
И миру Его несть предела, яко с нами Бог.
И нарицается Имя Его велика совета Ангел, яко с нами Бог.
Чуден Советник, яко с нами Бог.
Бог крепок, Владыка, Князь смирения, яко с нами Бог.
Отец будущаго века, яко с нами Бог.