Иеромонах Василий (Мозговой) - 4-й псалом. Оптинский распев | Текст песни

• Тексты песен
• Иеромонах Василий (Мозговой)
• 4-й псалом. Оптинский распев

Внегдá при­­звáти ми́, услы́ша мя́ Бóгъ прáвды мо­ея́: въ скóрби распространи́лъ мя́ еси́: ущéдри мя́ и услы́ши моли́тву мою́.
Сы́нове человѣ́честiи, докóлѣ тяжкосéрдiи? вскýю лю́бите суетý и и́щете лжи́?
И увѣ́дите, я́ко удиви́ Госпóдь преподóбнаго сво­егó. Госпóдь услы́шитъ мя́, внегдá воз­звáти ми́ къ немý.
Гнѣ́вайтеся, и не согрѣшáйте, я́же глагóлете въ сердцáхъ вáшихъ, на лóжахъ вáшихъ умили́теся:
пожри́те жéртву прáвды и уповáйте на Гóспода.
Мнóзи глагóлютъ: ктó яви́тъ нáмъ благáя? знáменася на нáсъ свѣ́тъ лицá тво­егó, Гóсподи.
Дáлъ еси́ весéлiе въ сéрдцы мо­éмъ: от­ плодá пшени́цы, винá и елéа сво­егó умнóжишася:
въ ми́рѣ вкýпе уснý и почíю, я́ко ты́, Гóсподи, еди́наго на уповáнiи всели́лъ мя́ еси́.

Иеромонах Василий (Мозговой) еще тексты